မန္တလေးမြို့ အမရပူရမြို့နယ် တောင်သမန် ဦးပိန်တံတားတွင် နိုင်ငံခြားသားများ
လာရောက်လည်ပတ်မှု များပြားလာမှုကြောင့် ဦးပိန်တံတားအနီးဝန်းကျင်ရှိ ဈေးဆိုင်ခန်းများတွင်
ရောင်းချလျက်ရှိသော ပြည်တွင်းဖြစ် လက်မှုပစ္စည်းများ နှင့် ရိုးရာအစားအစာများကို ပိုမိုရောင်းချနိုင်ရန်
သန့်ရှင်းလတ်ဆတ်ပြီး စည်ကမ်းနှင့်အညီ သပ်ရပ်မှုရှိဖို့ လိုကြောင်း သိရသည်။
ဈေးဆိုင်ခန်းများ ရောင်းချနေမှုများ နှင့်
ပတ်သက်၍ ‘‘ တောင်မင်းကြီးဂေါပကကို ဖွဲ့စည်းတာ (၃)နှစ်ရှိပါပြီး အရင်က ဈေးဆိုင်ခန်းတွေကို
သင်သလို နေရာယူရောင်းချနေကြတာပါ၊ ဂေါပကအဖွဲ့ ဖွဲ့ပြီးနောက် ဈေးခန်းနေရာတွင် သတ်မှတ်ခဲ့တယ်၊
အဲဒီ ဆိုင်ခန်းတွေကိုလည်း မြို့နယ် သံဃာနာယကအဖွဲ့ နဲ့ မြို့နယ်အုပ်ချုပ်ရေးအဖွဲ့က နေရာတွေ
ချထားပေးတာပါ၊ အစားအသောက်ရောင်းတဲ့ ဆိုင်တွေကို ကျန်းမာရေးနှင့်ညီညွတ်အောင် ရောင်းချဖို့
နေ့စဉ် စစ်ဆေးမှုတွေ ဆောင်ရွက်ပေးပါတယ်၊ သန့်ရှင်းလတ်ဆတ်မှုရှိပြီး နေရာထိုင်ခင်း သပ်ရပ်မှုရှိစေဖို့
အမြဲ စစ်ဆေးနေပါတယ်၊ ဈေးဆိုင်ခန်းတွေကို ဘယ်လောက်ပေးရမယ်လို့တော့ မသတ်မှတ်ထားပါဘူး၊
ဆိုင်ခန်းတွေက လစဉ် လှူဒါန်းငွေတွေကို ဘုရား ဘဏ္ဍာငွေအဖြစ် အသုံးပြုပါတယ်၊ အဲလို လှူဒါန်းခြင်းကိုလည်း
ဘောက်ချာဖြတ်ပေးတယ်၊ တစ်ခန်းကို အနည်းဆုံး(၃၀၀၀)ကျပ် မှ (၂၅၀၀၀)ကျပ်ထိ လစဉ် ပေးတာရှိပါတယ်၊
ဘုရားရဲ့ ဘဏ္ဍာငွေကို တောင်မင်းကြီးဘုရားမှာ ဘာတွေလိုအပ်သလဲ၊ လိုအပ်တာရှိရင် ပြုပြင်ရပါတယ်၊
ဈေးဆိုင်ခန်းတွေကလည်း စည်းကမ်းနှင့်အညီ ဖွင့်လှစ်ဖို့လိုပါတယ်၊ ဦးပိန်တံတားအနီးဝန်းကျင်မှ
သန့်ရှင်းရေးအတွက် ခရီးသွားကုမ္မဏီတွေကလည်း ၀ိုင်းဝန်းကူညီပေးနေမှုများလည်း ရှိပါတယ်၊
ပြည်တွင်းဖြစ် လက်မှုပစ္စည်းတွေ နဲ့ ရိုးရာအစားအစားတွေ ပိုမိုရောင်းချနိုင်ဖို့ သန့်ရှင်းသပ်ရပ်ပြီး
စည်းကမ်းရှိဖို့ လိုပါတယ် ’’ ဟု တောင်မင်းကြီး ဂေါပကမှ အတွင်းရေးမှူး ဦးမြသွင်က ပြောခဲ့သည်။
သန့်ရှင်းသပ်ရပ်မှုရှိစေရေး ဆောင်ရွက်ထားမှု နှင့် ပတ်သက်၍ ‘‘ သန့်ရှင်းမှုသပ်ရပ်မှုရှိစေရေးအတွက်
အမှိုက်တွေကို စနစ်တကျ စွန့်ပစ်ဖို့ လိုအပ်ပါတယ်၊ နိုင်ငံခြားသား ခရီးသည်များ လာရောက်မှု
များပြားတဲ့အတွက် အမှိုက်တွေ ရှိနေရင် အမြင်မတင့်ဘူး၊ ဒါကြောင့် ခရီးသွားကုမ္မဏီတွေကလည်း
လာရောက် ပူးပေါင်းပြီး အမှိုက်ပုံးတွေ ချထားပေးတယ်၊ အမှိုက်သိမ်းဖို့ သန့်ရှင်းရေးသမားတွေလည်း
ထားရှိပေးပါတယ် ’’ ဟု ဦးပိန်တံတား စိမ်းလန်စိုပြည်ပြီး သန့်ရှင်းမှုရှိစေရေးလိုလားသည့်
ခရီးသွား ကုမ္မဏီတစ်ခုမှ တာဝန်ရှိသူတစ်ဦးက ပြောခဲ့သည်။.jpg)
No comments:
Post a Comment